Қазақстандық миллиардердің клубы Англияда керемет камбэк жасады

Англия Бірінші лигасының 43-туры аясында қазақстандық миллиардер Михаил Ломтадзеге тиесілі "Уиком Уондерерс" клубы "Хаддерсфилд Таунмен" кездесіп,  соңғы секундтарда тең нәтижеге қол жеткізді.

Матч өте тартысты өтті. Жанкүйерлерге нағыз футбол драмасын сыйлады. 35-минутта Натан Лоу ("Уиком") есеп ашты. Араға бірнеше минут салып, Райан Ледсон ("Хаддерсфилд") есепті теңестірді. Кейін Маркус Харнесс алаң иелерін алға шығарды.

Матчтың соңғы бөлігінде ойын одан сайын қыза түсті. 

• 90-минут — Коннор Тейлор (2:2)
• 90+6 — Харнесс дубль жасап, "Хаддерсфилдті" қайта алға шығарды
• 90+11 — Натан Лоу екінші голын соғып, "Уикомды" жеңілістен құтқарды. 

Қорытынды есеп: 3:3.

Аталған мачтан кейін командалардың турнирлік кестедегі жағдайы мынадай: "Хаддерсфилд Таун" 62 ұпаймен 8-орынға жайғасса, 60 ұпайы бар "Уиком Уондерерс" 11-орында келеді.