Карповичке кешірім жоқ: ҚФФ "Елімай" бас бапкерінің өтінішін қабылдамады

Қазақстан футбол федерациясының жанындағы Бақылау, тәртіптік және этикалық комитетінің отырысы өтіп, "Елімай" ФК бас бапкері Андрей Карповичтің өтінішін қарады.

Даудың басы

Еске сала кетсек, ҚПЛ-дің 13-турында Семейде "Елімай" мен "Ордабасы" кездесіп, шымкенттіктердің жеңісінен кейін матч соңы үлкен дауға ұласқан еді. Тіпті, осы ойынға төрелік еткен маман балағат сөз айтқаны үшін 5 тәулікке де қамалған болатын. Ал, семейліктердің бас бапкері Андрей Карпович және футболшы Жан Әли Пайруз 4 матчқа шеттетілді.

Тәртіптік комитеттің отырысында Карпович пен Пайруздың "дисквалификацияны ішінара тоқтату" туралы өтініші қаралды. Алайда, комиссия өкілдері қолданылған жазаның орынды екенін айтып, екеуінің де өтінішін қанағаттандырудан бас тартты.