ӘЧ-2026: Марокко Канаданы ойсырата жеңіп, ширек финалға жолдама алды
Хьюстон қаласында өткен 1/8 кездесуде Марокко құрамасы канадалықтарды 3:0 есебімен жеңді.
Матчтың басты қаһарманы Аззедин Унахи 50 және 82-минуттарда дубль авторы атанса, қосымша уақыттың сегізінші минутында Суфьян Рахими үшінші голды соғып, матчтың нүктесін қойды.
Бірінші таймдағы ерекше статистика
Ойынның алғашқы бөлігінде төреші алты сары қағаз көрсетті. Канадалықтардан Ричи Ларьеа мен Джонатан Дэвид ескерту алса, Марокко сапынан Редуан Халал, Ашраф Хакими, Аззедин Унахи және Билал Эль-Ханнус сары қағазбен жазаланды. Opta мәліметінше, бірінші таймда сары қағаздардың саны (6) қақпаға бағытталған соққылардан (5) көп болған.
Марокко жеңіліссіз сериясын жалғастырды
Марокко құрамасы осылайша қатарынан 21 матч бойы жеңілмей келеді. Осы аралықта команда 14 жеңіске жетіп, жеті рет тең түскен.
Айта кетейік, Марокко әлем чемпионатының ширек финалына қатарынан екінші рет шықты. 2022 жылғы мундиальда африкалық құрама тарихи жетістікке қол жеткізіп, жартылай финалға дейін жеткен алғашқы Африка командасы атанған еді. Енді құрама ширек финалда Парагвай – Франция жұбының жеңімпазымен кездеседі.