Каннаваро шындықты жайып салды: Өзбекстан құрамасында "көртышқан" болған
Өзбекстан құрамасының бас бапкері Фабио Каннаваро команда ішінде өзі туралы жалған ақпарат таратқан адамның болғанын мәлімдеді.
Жалған ақпаратқа қатысты пікір
Фабио Каннаваро Өзбекстан құрамасындағы жұмысы кезінде өзі туралы шындыққа жанаспайтын мәліметтердің жиі тарағанын жеткізді. Бапкердің айтуынша, мұндай ақпараттың көбеюіне оның шетелдік маман болуы да әсер етуі мүмкін.
"Біреу тым көп жалған ақпарат таратты. Мүмкін, бұл менің шетелдік бапкер болғанымнан шығар. Біз ұстанған тәртіпті мен ойлап тапқан жоқпын. Бұл – Еуропада қолданылатын қалыпты стандарттар. Неліктен сонша жалған мәлімет тарағанын әлі де түсіне алмадым", – деді Каннаваро.
Италиялық маман ақпараттың команда ішінен шыққан болуы ықтимал екенін де жасырмады.
"Менің ойымша, жалған ақпараттың көбеюіне құраманың ішінде өзіндік “көртышқанның” болуы себеп болды", – деді бас бапкер.
Каннаваро Өзбекстан құрамасына қашан келді?
Фабио Каннаваро 2025 жылы 6 қазанда Өзбекстан ұлттық құрамасының бас бапкері қызметіне ресми түрде тағайындалған.
Тараптар келісімшартты 2+3 жыл жүйесі бойынша жасасты. Қазіргі келісім 2027 жылғы қазанға дейін күшінде және 2027 жылғы Азия кубогына дайындық кезеңін қамтиды.
Каннаваромен бірге Ташкентке бірнеше италиялық маман келді:
- ассистент Эудженио Альбарелла;
- дене дайындығы бойынша бапкер Франческо Троизе;
- қақпашылар бапкері Антонио Кименти.
Фабио Каннаваро жаттықтырған Өзбекстан құрамасы 2026 жылғы әлем чемпионатында өз тобында соңғы орын алды.