Дастан Сәтпаев Малайзияда "Челси" сапында алаңға шықты
Лондондықтар Азиядағы маусым алдындағы дайындық аясында Малайзияның "Джохор Дарул Такзим" командасымен тең ойнады.
instagram/@chelsea.mail
Алты гол соғылған ойын
Малайзияда өткен жолдастық кездесу 3:3 есебімен аяқталды. Лондондық команда сапында Лиам Делап екі рет пенальтиден мергендік танытты. "Челсидің" тағы бір добы автоголмен тіркелді.
Ал "Джохор Дарул Такзим" құрамында Ариф Айман, Оскар Аррибас және Бергсон нәтижелі соққыларымен көзге түсті.
Сәтпаев 87-минутта алаңға шықты
Қазақстандық шабуылшы Дастан Сәтпаев кездесуді қосалқы құрамда бастады. Ол матчтың 87-минутында ойынға қосылды.
Сәтпаевтың лондондық клубтың маусым алдындағы матчтарына қатысуы қазақстандық жанкүйерлердің ерекше назарын аударып отыр.
"Джохор Дарул Такзимге" қарсы кездесу ағылшындық клуб үшін Азиядағы тур аясында соңғы ойын болды.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet