Алтай
Қызылжар
Жетісу
Ордабасы
Каспий
Ұлытау
Астана
Оқжетпес
Елімай
Ертіс
Атырау
Ақтөбе
Қайрат
Жеңіс
Тобыл
Қайсар
"Монако" Поль Погбадан құтылуға асық
Франциялық клуб жартылай қорғаушы Поль Погбамен арадағы келісімшартты мерзімінен бұрын тоқтатуды қарастырып жатыр. Клуб басшылығы 33 жастағы футболшыға бұл шешім туралы хабарлап үлгерген.
Франция құрамасының бұрынғы жартылай қорғаушысы Поль Погбаның "Монакодағы" болашағы бұлыңғыр. Nice-Matin мәліметінше, монегаскілер ойыншымен келісімшартты мерзімінен бұрын бұзу мәселесін талқылап жатыр.
Дереккөз ақпаратына сәйкес, "Монако" басшылығы Поль Погбаға қазіргі келісімшартты тоқтатқысы келетінін жеткізген.
Қазір тараптар қаржылық келісімнің шарттарын талқылап жатыр. Клуб футболшыға 2027 жылдың жазына дейін есептелген келісімшарттағы қалған жалақысын төлеуі мүмкін.
Клуб бұл шешімді бұрын да қарастырған
"Монако" Погбамен қоштасу нұсқасын 2025 жылдың соңында да қарастырған еді. Алайда сол кезде француз футболшысы клуб басшылығын өзіне қосымша уақыт беруге көндірген. Ол жарақаттан толық айығып, бұрынғы деңгейіне оралуға үміттенген.
Айта кетейік, Поль Погба "Монако" сапына 2025 жылдың жазында қосылды. Бірақ содан бері жартылай қорғаушы команда үшін маңызды ойыншыға айнала алмады. Погба бар болғаны алты матчқа қатысты.