90-минуттағы гол Қазақстан кубогының екінші финалисін анықтады (ВИДЕО)

Елордалықтар алғашқы таймда екі гол соқты

Кездесудің алғашқы бөлігі алаң иелері үшін сәтті басталды. 18-минутта Жиан Мартинс есеп ашса, араға жеті минут салып Андрия Филипович “Жеңістің” басымдығын еселей түсті.

Ал 27-минутта елордалық команда сапында Зураб Тевзадзе алаңнан қуылып, “Жеңіс” ойынды он футболшымен жалғастыруға мәжбүр болды.

“Қайсар” камбэкке жақындады

Үзілістен кейін қызылордалықтар шабуылын күшейтті. 69-минутта Кабрал Эваристо есеп айырмасын қысқартты. Бірақ алты минуттан соң Андрия Филипович айып добын дәл орындап, дубль авторы атанды,

Матчтың негізгі уақыты аяқталар тұста Рамазан Бағдат 90-минутта гол соғып, есепті 3:2-ге жеткізді. Бұл гол “Қайсар” үшін шешуші мәнге ие болды.

Қарымта кездесуде “Жеңіс” басым түскенімен жартылай финалдың жалпы нәтижесі бойынша “Қайсар” ел кубогының финалына шықты. Енді қызылордалықтар шешуші ойында “Ордабасымен” кездеседі.