Дастан Сәтпаев Чемпионшипте дебют жасады

"Бернли" сырт алаңда "Вест Бромвичтен" жеңілді

"Бернли" Чемпионшиптің екінші турында "Хоторнс" стадионында "Вест Бромвичпен" кездесті. Төрт гол соғылған ойын алаң иелерінің жеңісімен аяқталды.

"Бернли" кездесуді сәтті бастап, 8-минутта есеп ашты. "Вест Бромвич" футболшысы Каллум Стайлз өз қақпасына гол соғып алды. Бірақ 18-минутта Гарри Уитвелл таразы басын теңестірді.

Екінші тайм бастала салысымен Айзек Прайс "Вест Бромвичті" алға шығарды. Ол 46-минутта мергендік танытты. Ал 65-минутта Прайс пенальтиді дәл орындап, дубль авторы атанды. Осылайша кездесу 3:1 есебімен алаң қожайындарының пайдасына шешілді.

Дастан Сәтпаев "Бернли" сапында алғашқы ресми матчын өткізді

Қазақстан құрамасының шабуылшысы Дастан Сәтпаев кездесуді қосалқы құрамда бастады. Ол 57-минутта алаңға шықты. Сәтпаев алаңда 30 минуттан астам уақыт өткізгенімен, командасының жеңілістен құтылуына көмектесе алмады.

Flashscore статистикалық порталы қазақстандық футболшының дебюттік ойынын 6,1 баллмен бағалады. "Бернли" құрамында ең жоғары көрсеткіш тәжірибелі қорғаушы Кайл Уокерге тиесілі болды. Ол 7,3 балл алды.

Ал кездесудің үздік ойыншысы болып "Вест Бромвич" сапында екі гол соққан Айзек Прайс танылды. Оның бағасы – 8,8 балл.

"Бернли" екі турдан кейін бір ұпай жинады

"Бернли" Англия Чемпионшипінің алғашқы турында "Вест Хэммен" 2:2 есебімен тең түскен. Екінші турдағы жеңілістен кейін команда екі матчтан соң бір ұпаймен қалды.

Ал "Вест Бромвич" маусымды екі жеңіспен бастады. Бірінші турда команда "Норвич Ситиді" 2:1 есебімен ұтса, енді "Бернлиден" басым түсті.