Ақтөбеде бой көтеретін жаңа стадионның құрылысын шетелдік мердігер жүргізеді.
Себебі Қазақстанда мұндай нысандарды салуға қабілетті компания жоқ. Облыс әкімі Асхат Шахаров осылай дейді.
Өңір басшысының айтуынша, құрылыс мемлекеттік-жекеменшік әріптестік аясында жүзеге асырылады. Жаңа стадионның сыйымдылығы 35 мың орын болады.
Жоспар бойынша оның іргетасы келесі жылы қаланып, 1 жыл 8 айдан кейін құрылыс жұмыстары аяқталуы керек. Яғни 2026 жылы толығымен қолданысқа беріледі.
