Чемпиондар Лигасы: екінші турдың алғашқы ойын күні аяқталды

Еуропада Чемпиондар Лигасының топтық кезеңі аясында екінші тур ойындарының алғашқы күні аяқталды. Ең қызықты матчтардың бірі Англияда өткен кездесу болды. "Арсенал" өз алаңында "Пари Сен - Жерменді" 2:0 есебімен жеңді. Гол авторлары - Кай Гаверц пен Букайо Сака.

Ал өткен маусымның басты сенсациясына айналған " Байер" өз стадионында Миланды жеңді. Қорытынды есеп 1:0.

Бірінші турда "Монакодан" жеңілген "Барселона" командасы бұл жолы жанкүйерлерін қуанта білді. "Янг Бойзға" қарсы ойнаған каталониялықтар 5:0 есебімен жеңіске жетті.

"Манчестер Сити" – "Слован" матчында да ірі есеп тіркелді. Гвардиола шәкірттері братиславиялық команданың қақпасына 4 гол соқты.

Айта кетейік, аталған матчтардан бөлек, кеше "Брест" – "Зальцбург" (4:0), "Штутгарт" – "Спарта" (1:1), "Боруссия - "Селтик" (7:1), "ПСВ" – "Спортинг" (1:1), "Интер" – "Црвена Звезда" (4:0) кездесті.