Бұған дейін Зайнутдиновтың нарықтағы бағасы 5 миллион еуро еді.
Transfermarkt.com порталы Түркия Суперлигасында ойнап жүрген Қазақстан ұлттық құрамасы ойыншыларының нарықтық құнын жаңартты. Ол бойынша «Бешікташ» клубының өкілі Бахтиер Зайнутдинов қазір 4 миллион еуроға бағаланады. Яғни футболшының трансфеклік құны 1 миллион еуроға төмендеген.
Ал «Адана Демирспор» шабуылшысы Абат Айымбетов 100 мың еуроға арзандаған. Қазіргі футболшыны өзге клуб 600 мың еуроға сатып ала алады.
Еске сала кетейік, Айымбетов биыл ақпанда түрік клубына еркін агент ретінде қосылып, «1,5+1» жүйесі бойынша келісімшартқа отырды. Ал Зайнутдинов 2023 жылдың жазында Мәскеудің ЦСКА клубынан «Бешікташқа» ауысқан еді.
