Жоэль Матип өткен жазда "Ливерпульден" кеткен еді.
"Ливерпульдің" бұрынғы қорғаушысы Жоэль Матип спорттық мансабын аяқтағанын жариялады. Ол өткен жазда мерсисайдтық клубпен келісімшарты аяқталуына байланысты командадан кеткен болатын. 2023 жылдың желтоқсанында ауыр жарақат алып, содан бері футболдан тыс қалды.
Жалпы, 33 жастағы камерундық 2016 жылдың жазында еркін агент ретінде "Ливерпульге" қосылған соң команда сапында 201 матч өткізіп, Премьер-Лига титулын, Англия Кубогын, лига Кубогын, Англия Суперкубогын, Чемпиондар лигасын және Еуропа Суперкубогын жеңіп алды.
