WBO тұжырымы бойынша әлем чемпионы Жәнібек Әлімханұлы (16-0, 11 КО) жуырда британдық Хамза Ширазбен жұдырықтасуға міндеттелген еді.
Қазақстандық былғары қолғап шебері Жәнібек Әлімханұлы өзінің әлеуметтік желідегі парақшасында кәсіби мансабында бірде-бір рет жеңілмеген британдық боксшымен өзара айқасқа қатысты жазба жариялады. Ол бойынша отандасымыз бұл жекпе-жектің қашан болатынын әлі өзі де білмейді.
Х парақшасында атақты спортшы өзінің суретімен бірге Шираздың фотосын жариялап, «Жаңалық бар ма?», деп жазды.
Айта кетейік, WBO және IBF тұжырымдары бойынша орта салмақ дәрежесіндегі әлем чемпионы Жәнібек Әлімханұлы (16-0, 11 КО) британдық Хамза Ширазбен жекпе-жек өткізуге міндеттелген болатын. Тараптардың ортақ келісімге келуіне 15 күн берілді.
