Бұған дейін испаниялық «Реал» Мадрид Трентті негізгі трансферлік мақсаты ретінде қарастырып отырғаны хабарланған еді.
Испаниялық «Реал» Мадрид «Ливерпуль» қорғаушысы Трент Александер-Арнольдке қызығушылық танытып отырған жалғыз клуб болмай шықты.
talkSPORT мәліметіне сәйкес, «Барселона» мен «Бавария» да Александер-Арнольдты өз командасына қосуға ниетті. Сондықтан Англия құрамасының 26 жастағы ойыншысы үшін «Реалға» бәсекелес болуға дайын.
Егер Трент маусымның соңына дейін «Ливерпульмен» келісімшартын ұзартпаса, қаңтардан бастап аталған үш еуропалық алпауыт футболшымен келіссөздер жүргізе алады.
Айта кетейік, Трент Александер-Арнольд «Ливерпуль» сапында 2016 жылдың қазан айыннан бері 319 матч өткізіп, Премьер-Лига, Чемпиондар Лигасы, Англия кубогы, Лига кубогы, УЕФА суперкубогы және Клубтық Әлем чемпионатын жеңіп алды. Тренттің әлі орындалмаған арманы — «Ливерпуль» капитаны болу.
