Қазақстан ұлттық құрамасының ойыншысы Ресей Премьер-Лигасына оралуға дайын екен.
Қазақстан ұлттық құрамасының және «Бешікташ» командасының жартылай қорғаушысы Бахтиер Зайнутдинов клуб ауыстырып, Ресей Премьер-Лигасына оралуға дайын.
Түркиялық басылымдардың мәліметі бойынша, Бахтиер «Бешікташтағы» жағдайына қанағаттанбайды. Сондықтан клуб ауыстырғысы келеді. Бұған дейін ол Санкт-Петербургтік «Зенит» клубының ұсынысынан бас тартқан болатын. Бірақ қазір РПЛ-ға оралу мүмкіндігін қарастыруға дайын. Дегенмен, оның басты мақсаты Еуропада қалу.
Еске сала кетейік, 26 жастағы жартылай қорғаушы 2019-2023 жылдар аралығында Ресейдің «Ростов» және ЦСКА клубтарында ойнады.
