Осылайша клуб басшылығы матчтан түсетін табысты арттыруды көздейді.
«Арсенал» «Эмирейтс» стадионын кеңейтпек. Қазір оның сыйымдылығы 60 мыңнан сәл асады.
Бірақ мұның өзі клуб басшылығына аздық ететін сыңайлы. The Times хабарлауынша, билеттерге деген сұраныстың жоғары болуына және корпоративтік қажеттіліктерге байланысты «Арсенал» басшылары орын санын арттыруды қарастыра бастаған.
Естеріңізде болса, «зеңбірекшілер» 2006 жылы «Хайбериден» «Эмирейтске» көшкен еді. Содан бері Премьер-лигада көп нәрсе өзгерді.
«Тоттенхэм» 62 850 орындық жаңа стадионды салып үлгерді. Ал «Манчестер Юнайтед» тіпті 100 000 көрерменге арналған аренаны салуды ойластыруда.
«Вест Хэм» де өз стадионын 68 000 орынға дейін кеңейтуді жоспарлап отыр. Жоспар іске асса, ол Премьер-лигадағы екінші ең үлкен стадион болады. Ал «Ливерпульдің» «Энфилд» стадионы реконструкциялаудан кейін қазір 61 276 көрермен қабылдай алады.
