Ыстамбұлдың «Бешикташ» футбол клубы қазақстандық жартылай қорғаушы Бақтиер Зайнутдиновты жалақы қорын төмендету мақсатында жалға бермек, деп хабарлайды Penalty.kz Fotospor.com сайтына сілтеме жасап.
Дереккөздің мәліметінше, Зайнутдиновтың жылдық жалақысы 1,2 миллион еуроны құрайды. Осы себепті клуб 26 жастағы ойыншыны басқа командаға жалға беруді қарастыруда.
Еске сала кетейік, Қазақстан ұлттық құрамасының ойыншысы Бақтиер Зайнутдинов 2023 жылдың жазында «Бешикташ» клубына ауысып, командамен 2027 жылдың маусымына дейін келісімшарт жасасқан болатын.
