«Арсенал» мен «Ливерпуль» тең тарқасты

Англия Премьер-лигасының 9-туры аясында лондондық «Арсенал» өз алаңында «Ливерпульді» қабылдады. Тартысқа толы кездесуде жеңімпаз анықталған жоқ. Командалар тең тарқасты. Қорытынды есеп — 2:2.

Лондондықтар құрамында Букайо Сака мен Микель Мерино гол соқты. Ал қонақтардан Вирджил ван Дейк пен Мұхаммед Салах гол авторлары атанды. 

Осылайша, 9 турдың қорытындысы бойынша «Ливерпуль» (22 ұпай) турнир кестесінде екінші орынға түссе, «Арсенал» 18 ұпаймен үздік үштікті түйіндеп тұр. Ал көш басында 23 ұпайы бар «Манчестер Сити» жайғасқан.