Турнир аяқталуға небәрі екі ойын қалғанда шымкенттік команда өз алаңында ҚПЛ аутсайдері «Жеңістен» жеңіліп қалды.
«Ордабасы» тағы жеңілді. Футболдан ел чемпионы биыл бұл атағын сақтап қала алмайтын секілді. Турнир аяқталуға небәрі екі ойын қалғанда шымкенттік команда өз алаңында ҚПЛ аутсайдері «Жеңістен» жеңіліп қалды. Қорытынды есеп – 1:2.
Осылайша, ел чемпионы 39 ұпаймен екінші орынға сырғыды. 41 ұпай жинаған «Қайрат» бірінші орында тұр. Келесі, яғни соңғы турда қос команда өзара мықтыны анықтайды. Дегенмен, үшінші орындағы «Астана» қалған үш матчта жеңіске жетсе сөзсіз чемпион атанады.
