Бразилия ұлттық құрамасының шабуылшысы видео арқылы командаға өз қолдауын білдірді.
Бразилия ұлттық құрамасының және «әл-Хиляль» клубының шабуылшысы Неймар футзалдан Қазақстан чемпионатының жаңа маусымы алдында МФК «Семей» командасына қолдау білдіріп, сәттілік тіледі.
Әлемдік футбол жұлдызы семейлік клубқа арнайы бейнежолдау жіберіп, жылы лебізін білдірді.
«Семей», жаңа маусымда сәттілік тілеймін! Сау болыңдар!», — деді Неймар.
Айта кетсек, МФК «Семей» жаңа маусымдағы алғашқы кездесуін өз алаңында алматылық «Қайратқа» қарсы өткізеді. Кездесу 1-2-ші қарашаға жоспарланған.
