38 жастағы испан футболшысы қазір келіссөздер жүргізіп жатыр.
Мадридтік «Реал» және Испания құрамасының бұрынғы қорғаушысы Серхио Рамос «Бока Хуниорс» клубымен ауысуы мүмкін.
38 жастағы испандық қазір аргентиналық клубпен келіссөздер жүргізіп жатыр. Атақты ойыншы еркін агент ретінде ауысуы ықтимал.
Айта кетейін, 2024 жылдың шілде айында Рамостың «Севильямен» арадағы келісімшарты аяқталды. Бұған дейін ол «ПСЖ» және мадридтік «Реал» клубтарында ойнаған.
Жалпы, Серхио Рамос Испания құрамасында 180 матч өткізіп, 23 гол соққан. Ол әлемдегі ең беделді футболшылардың бірі саналады. Спорттық мансабында Испания чемпионаты мен Чемпиондар лигасын жеңген. Испания Кубогы мен Суперкубогын, Еуропа Суперкубогын, клубтық әлем чемпионатының жеңімпазы. Бұдан бөлек, Еуропа чемпионы, әлем чемпионы деген атақтары бар.
