Бұған дейін басқарма төрағасы қызметі Юрий Логвиненкоға ұсынылған болатын.
"Ақтөбе" футбол клубының директорлар кеңесі клубтың басқарма төрағасы лауазымына бірнеше кандидатураны қарастырып жатыр. Серый Cardinal телеграм арнасының мәліметі бойынша үміткерлер арасында Дене шынықтыру және спорт басқармасының бұрынғы басшысы Евгений Гончаров бар. Қазіргі уақытта Евгений Владимирович өз жобаларын іске асырумен айналысуда.
Тағы бір кандидат - Диаз Абдрахманов. Бұрын ол Қазақстан футбол федерациясының өңірлермен жұмыс департаментінің директоры, “Ақтөбе” ФК басқарма төрағасының бірінші орынбасары (2024) қызметтерін атқарған. Оған дейін ол квазимемлекеттік секторда жетекшілік қызметтерде жұмыс істеді. Қытайдың беделді университеттерінің бірінде білім алған. Қазақ, орыс, ағылшын, қытай және араб тілдерін меңгерген.
Үшінші үміткер - Мақсат Тұмалиев. 2017 жылғы маусымда клубты басқарған. Қазір Мақсат Әлбекұлы аймақтық футбол федерациясының бас хатшысы қызметін атқарады.
Соңғы үміткер - Дәулет Арыстанғалиев. Ол екі рет “Ақтөбе” басшысының орынбасары лауазымында болған. 2024 жылы “Каспий” ФК директорының орынбасары қызметін атқарды.
Бұған дейін басқарма төрағасы қызметі Юрий Логвиненкоға ұсынылған болатын. Алайда ол бас тартты. Сонымен қатар, келесі маусымда команда алдына жоғары міндеттер қойылатынын атап өту керек. Команданың негізгі құрамы сақталады.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
