"Челсидің" бұрынғы ойыншысы бір жылдан астам уақыт бойы жұмыссыз жүрді.
Англия құрамасының және "Челси" клубының бұрынғы футболшысы Фрэнк Лэмпард жақын арада "Ковентридің" бас бапкері қызметіне тағайындалады.
Журналист Бен Джейкобстың әлеуметтік желіде таратқан ақпары бойынша тараптар толықтай келісімге келген. Десе де, келісімшартқа әлі қол қойылмаған. Бірақ Лэмпардтың клуб тізгінін алатыны ертең ресми түрде жария етілмек.
Айта кетейік, "Ковентриді" бұған дейін Марк Робинс шамамен 8 жыл бойы жаттықтырып келді. Ал Фрэнк Лэмпард былтыр маусымда "Челсиден" кеткелі бері жұмыссыз жүрді.
