Еркебұлан Сейдахмет клубсыз қалды

"Қайраттың" жартылай қорғаушысы Еркебұлан Сейдахмет алматылық клубпен қош айтысты. Енді ол еркін агент. Бұл туралы Meta-ratings.kz хабарлады. 

Футболшы ел біріншілігінің чемпионымен келісімшартты ұзартпаған. Сөйтіп жаңа клуб іздеуге көшкен. 

Естеріңізге сала кетейік, Сейдахмет "Қайрат" сапында 2019 жылдан бері өнер көрсетті. Содан бері 107 ойынға қатысып, 8 голдың авторы атанды. 10 нәтижелі пас берді.