12-желтоқсанда елордалық клуб Конференциялар Лигасы аясында «Челсимен» кездеседі.
«Астананың» батылырақ болып, ойынды өзінің қақпасынан алыстатып көруі тиіс. «МАТЧ ТВ» арнасының комментаторы Дмитрий Дерунец Sportnews.kz-ке берген сұхбатында осындай пікір білдірді.
«Қағаз жүзінде барлығы күрделі екені түсінікті. «Челси» Алматыға сөзсіз фаворит болып келеді. Алайда, желтоқсан, Қазақстан, лондондықтар үшін Конференциялар Лигасының турнирлік кестесіндегі өте қолайлы жағдай. Меніңше, алаң иелері үшін белгілі бір деңгейде мүмкіндік бар. Әрине, «Астананың» бұл ойынға дайындығы қандай деңгейде болады деген үлкен сұрақ. Себебі, Қазақстанда чемпионат әлдеқашан аяқталып қойған, команда жүрісінен жаңылып қалмады ма? Қаншалықты жолы болып кетеді? «Челсидың» нәтиже үшін өлермендікке бармайтыны түсінікті. «Астананың» да батылырақ болып, ойынды өзінің қақпасынан алыстатып көруі тиіс. Бұл бәсекеде көп гол соғыла қоймас, «Челсидың» сәл басымдықпен жеңіске жететінін болжаймын, алайда, «Астана» сенсация жасап кетуі де мүмкін», - деді Дерунец.
«Астана» - «Челси» ойыны 12-желтоқсанда Алматыда болады. «Орталық» алаңда өтетін матч 20:30-да басталады.
Айта кетейік, Григорий Бабаянның командасы әзірге УЕФА Конференциялар Лигасының негізгі кезеңінде төрт турдан кейін 4 ұпаймен 23-орында келеді. Ал лондондық клуб турнирлік кестенің көш басында.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
