Футболдан Сауд Арабиясында өтетін 2034 жылғы әлем чемпионаты жазда емес қаңтарда өтуі мүмкін.
Себебі жазда аптап ыстық болады. Бұл футболшылар мен жанкүйерлерге ыңғайсыздық тудырады. Метеоролог мамандардың болжамына сәйкес, турнирді өткізудің ең ықтимал айы - қаңтар. Мерзімі 2034 жылдың қаңтары немесе 2035 жыл болатыны нақтыланбаған.
Еске сала кетсек, 2022 жылғы әлем чемпионаты Қатарда қараша-желтоқсан айларында өтті. Бірақ 2034 жылы 11 қараша мен 10 желтоқсан аралығы Рамазан айына тұспа-тұс болып тұр. Ал ФИФА діни оқиғалар кезінде жарыс өткізуге тыйым салады.
