Футболдан Қазақстан құрамасының бас бапкері Станислав Черчесов 2026 жылғы әлем чемпионатына іріктеу раундының жеребесіне қатысты пікір білдірді.
Қазақстандықтар J тобына түсті. Қарсыластары – Бельгия, Уэльс, Солтүстік Македония және Лихтенштейн.
"Осы деңгейде жеребе қорытындысының маңызы зор. Бельгия құрамасы маған жақсы таныс. Олармен Еуропа чемпионатына іріктеу кезеңінде ойнағанбыз. Қазір команда қайта жасақталып жатыр. Уэльс пен Солтүстік Македония туралы айтсам, оларды іс жүзінде көргенім жоқ. Сондықтан қандайда баға бере алмаймын. Бесінші себеттен бізге Лихтенштейн түсті. Дегенмен қарсыласты құрметтеу керек. Жеңіске жету үшін нақты зерттеу жұмыстарын жүргізу керек. Күнтізбенің қалай боларын уақыт көрсетеді. Болжам жасаудан аулақпын. Маған өз командам қызық", – деді ресейлік маман ҚФФ баспасөз қызметіне берген сұхбатында.
