39 жастағы испаниялық клуб үшін өз алаңындағы соңғы матчын өткізді. Мансабын 2024 жылдың соңында аяқтап, "Севильяда" әкімшілік лауазымда қызмет етеді.
Хесус Навас "Севилья" футбол мектебінің шәкірті саналады. Ол клубпен екі рет Испания Кубогын, Испания Суперкубогын, төрт мәрте Еуропа Лигасын (екеуі УЕФА кубогы), сондай-ақ УЕФА Суперкубогын ұтып алды. Андалусиялықтар сапында 702 матч өткізді. 39 гол соғып, 119 нәтижелі пас берді.
Сонымен қатар Навас "Манчестер Сити" намысын қорғады. Оның құрамында 183 матчқа қатысып, сегіз рет мергендік танытты. 35 ассист жасады. "Қалалықтармен" бірге Англия чемпионы атанып, екі мәрте ағылшын лигасының Кубогын жеңіп алды.
