Қазақстан атынан УЕФА турнирлеріне "Астана", "Ақтөбе", "Тобыл" және "Ордабасы" қатысты.
Конференциялар лигасының топтық кезеңіне қатысқан әр команда 3 миллион 170 мың еуродан алды. Матчтағы жеңіс үшін – 400 мыңнан, тең ойын үшін 133 мың еуродан қарастырылды.
“Астана” бұл кезеңде сербиялық “Бачка-Тополаны” жеңіп (1:0), португалиялық “Витория Гимарайнш” (1:1) және кипрлік АПОЭЛ-мен (1:1) тең түсті.
Осылайша елордалықтар кем дегенде 3 миллион 836 мың еуро табыс тапса, соның ішінде 666 мыңы жеңіс пен тең ойындардан түскен бонустар. Сонымен қатар клубтар маркетинг арқылы да пайдаға кенеледі. Бұл негізінен ТВ-трансляциялар мен жарнамалар. Бірақ мұндағы сандар көпке жария бола бермейді.
Биылғы еурокубок маусымында өзге қазақстандық клубтар қанша табыс тапты:
“Ақтөбе” – 150 000 еуро (Конференция лигасының бірінші кезеңінде шығып қалды)
“Тобыл” – 575 000 еуро (Еуропа лигасының бірінші раундында, Конференция лигасының екінші кезеңінде жарысты аяқтады)
“Ордабасы” – 1 миллион 160 мың еуро (жорығын Чемпиондар лигасының бірінші кезеңінде, Еуропа лигасының екінші кезеңінде, Конференция лигасының үшінші кезеңінде аяқтады + топқа іліге алмаған чемпион ретінде УЕФА-дан 260 000 еуро бонус).
