Футболдан Түркия Суперлигасының 17-турында "Адана Демирспор" сырт алаңда "Хатайспормен" кездесті.
Суперлигадағы қос аутсайдер арасындағы матч 1:3 есебімен "Адана Демирспордың" жеңісімен аяқталды. 25-ші минутта Венсан алаң иелерін алға шығарды. Үзілістен соң "Хатайспор" ойыншысы қызыл қағаз алып алаңнан қуылды. Ойыншылар басымдығына ие болған "Адана Демирспор" Семих Гюлер, Озан Демирбаг және қазақстандық шабуылшы Абат Айымбетовтың көмегімен үш гол соқты. Осылайша Айымбетов қатарынан үшінші матчта мергендік танытты.
"Адана Демирспор" бес ұпаймен турнир кестесінде соңғы орында келеді.
