Футболдан Түркия Суперлигасының 19-турында "Бешікташ" пен "Бодрумспор" кездесті.
Ыстамбулда өткен матч алаң қожайындарының жеңісімен 2:1 есебімен аяқталды. Шер Ндур 32-минутта "Бешікташты" алға шығарса, 40-минутта Чиро Иммобиле командасының басымдығын еселей түсті. Ойынның қосымша уақытында "Бодрумспор" есепті қысқарта алды. Джордже Пушкаш мергендік танытты. Қазақстандық жартылай қорғаушы Бахтиёр Зайнутдинов "Бешікташтың" негізгі құрамында матч соңына дейін орталық қорғаушы позициясында ойнады.
Осы жеңістің арқасында "Бешікташ" 30 ұпай жинап, чемпионатта үш матчқа созылған жеңіссіз серияны үзді. Ыстамбұлдық клуб турнир кестесінде бесінші орынға көтерілді.
