Футболдан Қазақстан құрамасының бас бапкері Станислав Черчесов Ресей құрамасымен жолдастық кездесу өткізуге қарсы еместігін айтты.
Қос құрама команда былтыр жолдастық кездесу өткізеді деген сыбыс шыққан. Бірақ қазақстандық тарап бұл әңгіменің жалған екенін, Ресеймен кездесу болмайтынын мәлімдеген. Черчесов болса матч ұйымдастыруға дайын екенін мәлімдеді.
“Егер мүмкіндік болса келісіңдер, ұйымдастырамыз деп айттым. Мен ресейлік болғаным үшін ғана емес, мұндай командамен жолдастық матч өткізу арқылы өзімізді тексеріп көреміз, оның үстіне оларға да көмектесеміз. Ешбір тарап ренжімеуі керек, қажет болса сол жақта немесе осында өткізуге болады, ешқандай проблема көріп тұрған жоқпын”, - деді Қазақстан құрамасының бас бапкері.
