"Астана" Дубайдағы оқу-жаттығу жиынында мәскеудің "Спартак" ФК жолдастық матчта кездесті.
Матч 4:1 есебімен "Спартактың" ірі жеңісімен аяқталды. Ресейлік командада Даниил Хлусевич (21-минута), Никита Чернов (32-ші), Хесус Медина (53-ші) және Даниил Зорин (56-ші) гол соқты. Ал "Астана" құрамында Алекса Аманович (10-шы) мергендік танытты.
Бұл елордалық клуб үшін жаңа маусым алдындағы алғашқы матч болды. "Астана" өткен ҚПЛ маусымын екінші орынмен аяқтаған еді. Ал мәскеудің "Спартагы" қазір Ресей чемпионатында үшінші сатыда орналасқан.
