Қазақстан құрамасының шабуылшысы Абат Айымбетов "Адана Демирспор" үшін гол соғуымен ерекшеленді.
Айымбетов 88-минутта "Қасымпаша" қақпасының саңылауын тапты. Бұл нәтижелі соққы түркиялық Суперлиганың 22-турындағы үздік голдардың бірі болатыны анық. Қазақстандық шабуылшы қарсылас команданың айып алаңында допқа иелік етіп, үш бірдей қорғаушыны қапы қалдырды. Кейін жойқын соққымен қақпаны дәл көздеді. Осы голдың арқасында "Адана Демирспор" есеп айырмасын 3:5-ке қысқартты.
Абат Айымбетов биылғы чемпионаттағы 16 ойында төртінші рет мергендігімен көзге түсіп отыр.
