Испания чемпионатында соңғы орында келе жатқан "Вальядолид" қорғаныс шебін тез арада күшейтуге барын салып жатыр.
Бұған дейін испаниялық клубтың Қазақстан құрамасының және "Бешікташтың" футболшысы Бахтиёр Зайнутдиновке қызығушылық танытқаны белгілі болған. Ал түркиялық клубтың басшылығы ойыншыны маусым соңында міндетті түрде 5 миллион еуроға сату құқымен жалға беру мәселесін қарастыруға дайын.
Дегенмен "Вальядолид" Бахтиёрдың орнына мюнхендік "Баварияның" 18 жастағы қорғаушысы Адам Азнуды жалға алуды тиімді ұсыныс деп санайды. Шетелдік инсайдерлердің айтуынша, келісім маусым соңына дейін әрекет етіп кейін сатып алуды міндеттемейді. Себебі "Бавария" жас ойыншыны өзінде сақтап қалғысы келеді.
