"Порту" клубының орталық қорғаушысы Нико Гонсалес "Манчестер Ситиге" ауысты.
Спорт журналисі Фабрицио Романоның айтуынша, "қалалықтар" 23 жастағы Гонсалес үшін 60 млн еуроға шығындалады. Испаниялық хавбек жақын арада медициналық тексеруден өтіп, ағылшындық грандпен еңбек келісімін жасайды.
"Барселона" футбол мектебінің түлегі Гонсалес биылғы маусымда барлық турнирлерде 29 матчқа қатысты. Соның жетеуінде гол соғып, алты рет нәтижелі пас берумен ерекшеленді. Өз кезегінде Transfermarkt порталы Гонсалесті 18 миллион еуроға бағалап отыр.
Айта кету керек, "Сити" осы қыста трансферге 200 млн еуро жұмсады. Бұған дейін командаға Омар Мармуш "Айнтрахт", Абдукодир Хусанов "Ланс" және Витор Рейс "Палмейрас" қосылған еді.
