Федерация Қазақстандағы ресми турнирлерді өткізу құқығын QFL-ден толықтай өзіне қайтарып алған еді.
Сол арқылы біраз өзгерістер енгізбек. Олардың қатарында трансляция да бар.
"Өзгерістер спорттық жағына ғана емес, көрермендер үшін трансляцияларды тартымды етуге де бағытталған. Бұл ең алдымен техникалық сапаны жақсартуды қамтиды: бейне сапасын арттыру, операторлар мен режиссерлердің кәсіби жұмысын жетілдіру, сондай-ақ заманауи технологияларды пайдалану арқылы жанкүйерлерге ойын барысын мейлінше жоғары деңгейде ұсыну", – делінген ҚФФ жазбасында.
Сонымен қатар чемпионаттарға қатысу жарнасын 10%-ға төмендетті.
"Соңғы жылдары чемпионаттарға қатысу үшін төленетін жоғары жарна клубтарға қаржылық ауыртпалықты күшейтті. Осыған байланысты Қазақстан футбол федерациясы (ҚФФ) бұл жарналарды 10%-ға төмендету туралы шешім қабылдады".
