Қазақстандық қорғаушы Нұралы Әліп қарсыластарымен қатар клубастарын да аямайды.
Бұл жолы Әліптен жартылай қорғаушы Андрей Мостовой зардап шекті. Ойын жаттығуы барысында қазақстандық қорғаушы бір емес екі командаласын аямады.
"Аяғымнан қатты ұрдың! Соққың сүйегімнен өтіп кетті. Құлап жатып көзімді ашсам, Юраны да сұлатып түсіріпсің.
Бұл жігіт бәрін қасақана жасайды. Брат, бұл карма. Сондықтан сенің шашың түсіп қалды", — деп әзілдеді Мостовой.
Бұған дейін Нұралы Әліп допқа талас кезінде клубтасы Страхине Эраковчитің көзін шығарып ала жаздаған.
Қазір "Зенит" Әбу-Дабиде оқу жаттығу жиынын өткізіп жатыр. Жақында петерборлықтар мәскеулік "Спартактан" басым түсіп РПЛ-дың қысқы кубогын жеңіп алды.
