Жуырда ол 6 нәтижелі пас берген алғашқы қақпашы атанды.
«Манчестер Сити» қақпашысы жаңа белесті бағындырды
«Манчестер Сити» қақпашысы Эдерсон ағылшын Премьер-лигасы (АПЛ) тарихында бұрын-соңды болмаған жетістікке жетті. Ол алты нәтижелі пас беріп, АПЛ-дағы ең көп ассист жасаған қақпашы атанды. Бұрынғы рекорд Пол Робинсонға тиесілі болатын (5 ассист). Сонымен қатар, Эдерсон бір маусымда үш нәтижелі пас берген алғашқы голкипер атанды.
15 ақпанда өткен АПЛ-дың 25-турында «Манчестер Сити» клубы «Ньюкасл Юнайтед» командасына қарсы ойнады. Кездесу барысында Эдерсон алға қарай дәл пастардың бірін орындап, Омар Мармуштың гол соғуына себепкер болды. Сол матчта «Сити» 4:0 есебімен жеңіске жетті.
Бұл бразилиялық қақпашының маусымдағы үшінші ассисті болды. Бұған дейін ол «Брентфорд» пен «Челси» ойындарында нәтижелі пастарымен көзге түскен.
АПЛ-дағы ассисттер: 6 (қақпашылар арасындағы рекорд)
2024/25 маусымдағы матчтары: 24
Жіберілген голдар: 38
Қақпасын гол жібермеген ойындар: 5
Келісімшарт мерзімі: 2026 жылдың жазы
Нарықтық құны: €30 млн (Transfermarkt дерегі бойынша)
