"Қайрат" Қазақстан тарихында алғаш рет кәсіби әйелдер футбол командасын құрды.
Бұл туралы prosports.kz жазды. Алматылық клуб өз академиясынан тәрбиеленіп шыққан талантты қыздардан жасақталған командасын жанкүйерлерге таныстырмақ. Аталған ұжым клуб тарихында тұңғыш рет әйелдер арасындағы Премьер-лигада бақ сынайды.
Команданы таныстыру рәсімі 16 ақпан күні сағат 16:00-де Алматыда өтеді. Шара барысында ерлер және әйелдер командаларының жаңа маусымдағы жоспарлары жарияланып, тың өзгерістер таныстырылады. Сонымен қатар "Қайраттың" биылғы маусымда киетін жаңа жейдесі де көпшілік назарына ұсынылады.
