Португалия құрамасының және саудиялық "Әл-Наср" клубының жұлдызы Криштиану Роналду танымал футбол клубын сатып алуды жоспарлап отыр.
TCR X-аккаунтының мәліметінше, Роналду қаржылық қиындыққа тап болған испандық “Валенсияны” сатып алуға ниетті. Футболшы бұл мақсатқа жету үшін Сауд Арабиясының тақ мұрагері Мұхаммед ибн Салманмен серіктестік орнатқан.
Сауд Арабиясының ханзадасы қаржылық қолдауды қамтамасыз етеді, ал Роналду клубты басқаруға тікелей қатысады.
Бірақ қазір “Валенсия” ауыр дағдарысты бастан өткеруде. Ла Лиганың 25 турынан кейін клуб турнирлік кестенің 18-орнында орналасып, төменгі лигаға түсіп қалу қаупі бар.
