Қазақстан құрамасының бұрынғы бас бапкері Станислав Черчесов Иран клубынан келісімшарт туралы ұсыныс алды.
Атын атағысы келмеген клуб Черчесовқа жылына 2,5 миллион еуро жалақысы бар келісімшарт ұсынған. Бұл туралы "Футбол России" бағдарламасының жүргізушісі Илья Казаков хабарлады.
Ол бұл ұсынысқа қатысты Черчесовтың пікірін сұраған кезде, бапкер келесідей жауап берді:
"Маған ешқашан ақша мотивация болған емес. Рубль де – ақша, оны да ақтау керек. Бұл жерде көптеген нюанс бар. Қазір мен Ресейдемін. Өз елімде жұмыс істеуге деген ниетім бар. Сондықтан күтейік", – деді Черчесов "Россия 24"арнасындағы эфирде.
Станислав Черчесов 2025 жылдың қаңтарында Қазақстан құрамасынан кеткен. Оның жетекшілігімен команда Ұлттар лигасы тобында алты матчтың бәрінде жеңіліп, 0:15 есебімен гол айырмашылығымен соңғы орынға тұрақтады.
