Қазақстан ұлттық құрамасының қақпашысы Стас Покатилов Әзербайжан чемпионатының 25-турында "Сабах" қақпасын голдан сақтап қала алмады.
Матчтың 11-минутында "Араз-Нахчыван" клубының португалиялық жартылай қорғаушысы Бернардо Оливейра Диас орта қашықтықтан соққы жасады.
Доп "Сабах" ойыншысына тиіп, бағытын өзгертті. Покатилов күтпеген рикошетке үлгермей, сол жақ бұрышқа сырғып кірген допты көзбен шығарып салуға мәжбүр болды. Осылайша есеп 1:1 болды.
Жалпы матч 2:2 есебімен аяқталды.
