Қазақстан құрамасының бұрынғы ойыншысы Ненад Эрич өз пікірін білдірді.
«Астана» мен Қазақстан құрамасының бұрынғы қақпашысы Ненад Эрич биылғы біріншіліктегі басты фаворит ретінде қай команда екенін айтты.
"Менің ҚПЛ-дегі топ-5 командам дейсіз бе? Бұл туралы айту әлі ерте, себебі чемпионаттың басталғаны кеше ғана. Командалардың аяқ-алысын қарап көру керек. Бірақ, меніңше бірінші орынға биыл «Астана» мен «Қайрат» таласатын сияқты", - деді Эрич.
Жалпы, Ненад Эрич 2010-жылы «Қайраттың» жейдесінде бір маусым өнер көрсетіп, кейін қатарынан 10 жыл «Астана» командасында өткізген болатын.
Айта кетейік, биылғы Қазақстан біріншілігінде «Астана» мен «Қайрат» алғашқы ойындарын бір-біріне қарсы өткізді. «Астана Аренада» болған бәсеке 1:1-мен аяқталды. Алаң иелерінің сапында Марин Томасов, ал «Қайраттың» голын Дастан Сәтпаев салды.
