Англия футбол қауымдастығы (FA) "Миллуолл" қақпашысы Лиам Робертсті "Кристал Пэлас" шабуылшысы Жан-Филипп Матетаны басынан теуіп, ауыр жарақаттағаны үшін алты матчқа дисквалификациялады.
Ағылшын Кубогының 1/8 финалындағы матч 1 наурыз күні өтті. Кездесудің 6-минутында Робертс әуедегі допқа талас кезінде француз футболшысының басынан аяғымен қатты соққы жасады.
Матета ауыр жарақат алып, алаңда 10 минут бойы медициналық көмек күтті. Кейін оны жедел түрде алып кетті. Дәрігерлер ойыншының сол құлағына 25 тігіс салуға мәжбүр болды.
Ағылшын футбол қауымдастығы Робертстің дисквалификация мерзімін ұзартуды талап етті. Стандартты үш матчтық шеттету мұндай қауіпті ойын ережесін бұзу үшін жеткіліксіз деп танылды.
Sky Sports мәліметінше, FA шешім қақпашының жазасын 6 ойынға дейін ұзартты. Бұл оқиға футбол қауымдастығында үлкен резонанс тудырып, Англия Кубогындағы ең дөрекі фолдардың бірі ретінде бағаланды.
