"Реал Мадридтің" бас бапкері Карло Анчелотти 2 сәуір күні салық төлеуден жалтару ісі бойынша Мадрид сотының алдында жауап береді.
Тергеу материалдарына сәйкес, Анчелотти 2014 және 2015 жылдары тек "Реалдан" алған жалақысына ғана салық төлеп, қосымша табыс көздерін декларацияламаған. Осылайша италиялық маманның мемлекет алдындағы берешегі 1 062 000 еуро көлемінде болған. Прокуратура оған төрт жыл тоғыз ай мерзімге бас бостандығынан айыру жазасын талап етуде.
Карло Анчелотти 2021 жылдан бері қайтадан "Реалдың" тізгінін ұстады. Бұған дейін ол 2013–2015 жылдары да корольдік клубты жаттықтырған. Оның басшылығымен мадридтіктер екі рет Ла Лига мен Испания Кубогын жеңіп алды, үш рет УЕФА Чемпиондар лигасының кубогын көтерді.
