Виктор Фомичев баптаған құрам 20 жасқа дейінгі футболшылар арасындағы FIFA Әлем чемпионатына қатысу мүмкіндігін жеңіп алған болатын.
Футболдан Қазақстан жастар құрамасының әлемдік аренадағы ең ірі жетістіктерінің бірі – 1999 жылғы Әлем чемпионатына қатысуы екені белгілі. Бұл – еліміздің футбол тарихындағы алғашқы және әзірге жалғыз жастар мундиалы.
Виктор Фомичев баптаған құрам 20 жасқа дейінгі футболшылар арасындағы FIFA Әлем чемпионатына қатысу мүмкіндігін жеңіп алған болатын. Турнир Нигерияда өтті. Қазақстандық команда Аргентина, Гана және Хорватия секілді мықты қарсыластармен бір топқа түсті.
Бұл жарыста Қазақстан құрамасы бір тарихи жетістікке қол жеткізді – әлем чемпионатындағы алғашқы және жалғыз голды соқты. Автор – шабуылшы Ерлан Оразаев. Ол Хорватияға қарсы өткен топтық кезеңнің соңғы матчында алыстан бағыттаған тамаша соққысымен тарихқа енді.
Бүгінгі таңда бұл гол Қазақстан футболының жастар деңгейіндегі ең ірі жетістіктерінің бірі ретінде бағаланады. Оразаевтың бұл голы еліміздің халықаралық деңгейдегі дебюттік табысы болды.
ЖБ-Шоудың кезек шығарылымы жастар құрамасының 1999 жылғы әлем чемпионатындағы өнерін және Ерлан Оразаевтың тарихи голына арналады.
