Хоккейден әлем чемпионатында Қазақстан құрамасы төртінші кездесуін өткізді. Бұл жолы біздің қарсыласымыз — Дания құрамасы болды. Ойын барысында ұлттық құрама тағы да сенімді ойын көрсете алмады.
Алғашқы кезеңде есеп ашылған жоқ. Алайда екінші кезеңде Дания шабуылы күшейіп, 24-минутта Миккель Огард есепті ашты. 33-минутта Александр Тру есепті 2:0-ге жеткізді. Үшінші кезеңде Қазақстан құрамасы бір сәттік үміт сыйлады: 47-минутта Никита Михайлис есепті қысқартты Бірақ бұл нәтиже ұзаққа созылмады.
Кристиан Вайсе 51-минутта шайба салып, араға аз уақыт салып Александр Тру дубльмен көзге түсті. Ал 60-минутта Ник Олесеннің шайбасы ойынды түбегейлі аяқтады. Қазақстан 1:5 есебімен жеңілді.
Бұл жеңілістен кейін Қазақстан құрамасы В тобының турнир кестесінде жетінші орынға түсіп қалды. Қазір бізде небәрі 3 ұпай, ал соңғы орында тұрған Норвегияның еншісінде 1 ғана ұпай бар.
Келесі матч сенбі күні, сағат 19:20-де өтеді. Бұл жолғы қарсыласымыз — мықты әрі тәжірибелі Чехия құрамасы. Қазақстан құрамасы үшін бұл ойын шешуші болуы мүмкін. Жеңіліс турнирден ерте шығу қаупін тудырады.
