Астаналық "Барыс"хоккей клубы Қазақстан ұлттық құрамасының шабуылшысы Вячеслав Колесниковпен келісімшарт жасасқанын ресми түрде хабарлады.
“Барыс” шабуылшы Вячеслав Колесниковпен сынақ мерзіміне келісімшартқа отырды. Келісім 2025 жылдың 31 тамызына дейін жарамды”, — делінген клубтың ресми сайтында.
24 жастағы хоккейші — Челябі қаласындағы “Мечел” клубының түлегі. Ол биылғы маусымда астаналық «Номад» сапында 38 матч өткізіп, 25 (13 гол + 12 пас) ұпай жинаған. Сонымен қатар әлем чемпионатында топтық кезеңде 7 ойынға қатысып, бір шайбамен көзге түскен.
2024/25 маусымында ҚХЛ-дың Шығыс конференциясында «Барыс» тұрақты чемпионатты 12-орында аяқтады. Команда 68 ойынның 54-інде жеңіліс тауып, небәрі 35 ұпай жинаған болатын.
