"Барыс" сапын жаңа қорғаушымен толықтырмақ. 29 жастағы америкалық Иэн Маккошен келісімшартқа қол қою үшін Астанаға келді.
Шетелдік қорғаушы Астана халықаралық әуежайының терминалында байқалды. Бұл оның “Барыспен” келісімшарт рәсіміне жақын екенін білдіреді.
Иэн Маккошен -ткен маусымда Құрлықтық хоккей лигасында ”Куньлунь Ред Стар” құрамында 61 матч өткізіп, 15 (4+11) ұпай жинады. Бұған дейін ол үш маусым бойы Ұлттық хоккей лигасында (NHL) өнер көрсетті. “Флорида Пантерс” сапында 60 ойынға қатысып, 7 (4+3) нәтижелі ұпай еншілеген.
